Rexhep Kryeziu : Eksperti i Vreshtarisë nga Rahoveci, shembull në shtetin Zviceran. © Direktoriumet e Bizneseve Kosovare!

Rexhep Kryeziu i lindur në fshatin Dejne të Rahovecit, jeton me familjen e tij që25 vite në Zvicër, atje merrët me vreshtari dhe verëtari, si ekspert i kësaj lëmie.

Në një bisede për RahovecPress, Kryeziu ka folur për punën e tij që po e bën në shtetin zviceran, për shkollimin e tij në Kosovë dhe Serbi dhe gjithë angazhimet që po i bën tani në punët dhe shkrimet e një eksperti të vreshtarisë dhe verëtarisë.

“Shkollën e Mesme bujqësore, dega Pemëtari-Vreshtari e kam kryer në Pejë, të gjitha me nota të larta, në atë kohë isha nxënës i dalluar në Qendrën Ekonomike Shkollore në Pejë. Ne vitin 1976 u regjistrova ne Fakultetin Agro-ekonomik në Beograd, dega Hortikulturë dhe Pemëtari-Vreshtari. Pasi përfundova vitin e tretë të studimeve dhe për shkak të rrethanave politike që u krijuan në vitin 1981 u detyrova të emigroj në Zvicër”, rrefyer për RahovecPress.

Ai vazhdon të tregojë se si përmes mikut te tij nga fshati Fortesë, Islam Popaj, e gjenë punën menjëherë në profesionin e tij – vreshtari dhe verëtari, po ashtu Kryeziu tregon edhe për shumë miq e kolegë që ka në Rahovec, Ymër Berishën, Sinan Metkamberin, Lulzim Ymeragen, Hysen Canziben, etj.

baza“Në Zvicër punoj në firmën “Reb und Veinbau Wehrli”, ku nën monitorimin tim drejtohet prodhimi i mbi 30 hektar vreshta. Jam autor i dy librave “Kitja e Vreshtës” dhe “Nga Hardhia deri në gotë”, si dhe jam autor i shumë shkrimeve për vreshtari dhe verëtari në gjuhën shqipe dhe gjuhën gjermane, ndërsa në fund të këtij viti del nga botimi një libër për Verëtarët zviceran, autor i të cilit jam unë dhe dy bashkëpunëtor zviceran, emri i librit do të jetë “STEIN UND WEIN” që në përkthim në shqip do të thotë Guri dhe Vera”, thotë Kryeziu për RahovecPress.

Shumë nga vreshtarët dhe verëtaret nga Kosova e njohin si autor i shumë shkrimeve, gjithashtu është edhe bashkëpunëtor shumë i afërt i vreshtarëve në Kosovë. Kryeziu vitin e kaluar ka qenë i angazhuar përmes GIZ-it gjerman për t’i ndihmuar vreshtarët në Kosovë.

“Nëse GIZ-i ka prapë nevojë për mua, ndodhë që edhe këtë vit të jem në disponim të ju ndihmoj Vreshtarëve dhe Verëtarve nga Kosova, kjo është dëshira ime më e madhe për ti ndihmuar vendit tim dhe qytetit tim qe ka traditën e kultivimit të rrushit dhe verës – Rahovecit” përfundon Regjep Kryeziu.

Kryeziu është shumë aktiv edhe përmes rrjetit social Facebook, në këtë rrjet social njihet me emrin Baca Merlot, ku vazhdon të publikojë fotografi dhe shkrime të ndryshme për Vreshtat dhe Verërat.

Rexhep Kryeziu edhe përmes RahovecPress ka filluar të publikojë shkrimet e tij, që shërbejnë si këshilla për Vreshtarët e Rahovecit, RahovecPress do t’i publikoj kohë pas kohë shkrimet e Kryeziut. /RahovecPress/